FRIDERICUS Johannes

I.

Johannes FRIDERICUS

fil. Alberti March. Onoldsbacensis, ex priori coniuge Margaretha Sophia, filia Ioachimi Ernesti Com. Oetingensis, nat. A. C. 1654. Patri A. C. 1667. defuncto, in regimine, successit: maritus Iohannae Elisabethae March. Badensis Friderici filiae, quam in torum ascivit A. C. 1672. ex ea pater Alberti Friderici, geniti A. C. 1674. etc. Spener. in Fam. Zolleriana. Ex Fam. Guelfica.

II.

Johannes FRIDERICUS

fil. Philippi Ducis Pomeraniae Occid. ex Maria Saxonica, filia Ioh. Electoris, nat. A. C 1542. inter fratres maximus, Camini Ep. electus A. C 1556. Patri defuncto A. C. 1560. successit Stetini, et in bello Hungarico vexillum Imperii gessit A. C 1566. Quadriennio post conventui Pacificatorio, qui Stetini celebratus, praeses, Caesaris nomine, praefuit. Thuan. Hist. l. 47. p. 859. Eidem Maximilianus II. Imp. diploma confirmatorium novae Marchiae concessit, eumqueve commendat, quod turbas in Lithuania ac Livonia, A. C. 1557. suâ dexteritate sedaverit. Cum de subscribenda Formula Concordiae ageretur, illâ, quod Augustana Confessio et corpus doctrinae Pomeranum Ecclesiis fufficeret, omissâ, ad Reformatos inclinare visus est, unde Sal Gesnerus pulsus, inde Stralsundiam et hinc Wittebergam concessit. Tandem vero Dux in alia versus, Synodo convocatâ A. C. 1593. Gesneri adversarium Stichium condemnasse, Formulamqueve Concordiae approbasse dicitur. Obit Anno saeculari, ex Erdmuthi Brandeburgica, filia Ioh. Georgii Electoris, A. C. 1577. ducta, quae vidua ad A. C. 1628. superfuit, nullâ prole susceptâ. Spener. Syll. Geneal. in hac Fam. Ex Fam. Ascanio-Anhaltina.

III.

Johannes FRIDERICUS

fil. nat. maximus Friderici supra memorati, nat. A. C. 1582. Italiam, Germaniam, Galliam, Daniam, Bohemiam, Hungariam, Belgium, lustravit Patris successor, unioni nomen dedit: Unde in bello Alsatico, una cum sociis, contra Leopoldinos egit, atqueve Udenhemium destruxit. Tractatibus dein, quibus Unio dissoluta, subscripsit, A. C. 1626. Una cum Lotharingiae Duce apud Caesarem se, in causa Palatina, Mediatorem interposuit, sed sine fructu: Circulum Suevicum, cuius Dux erat, torâ sere Germaniâ bello ardente, tranquillum prudenter servavit. Obiit A. C. 1628. candoris et constantiae inprimis elogio insignis. Ei, ex Barbara Sophia, filia Ioachimi Friderici El. Brand. praeter filias complures, filii fuêre Eberhardus qui Patri successit: (inter cuius liberos Ioh. quoqueve Fridericus Londini Obiit A. C. 1659. et Fridericus Carolus, nat. A. C. 1652. nec non Christina Fridericae fuit, Alberti Ernesti Com. Oetingensis uxor exstincta A. C. 1674.) Fridericus, de quo infra et Ulricus.

IV.

Johannes FRIDERICUS

fil. nat. tertius Phil. Ludovici, Neoburgicae lineae conditoris, ex Anna Iuliacensi, genitus, A. C. 1587. a fratre Wolffgango Vilhelmo, qui Neoburgicam lineam continuavit, Hiltpoltstenium A. C. 1615. item Haydeck, Allensperg, et Gizzinum, accepit: gravia cum fratre Augusto, ob Religionem, passus, demum A. C. 1644. nulla ex Sophia Agnete Hassiaca, ducta A. C. 1624. et multoties matre, relictâ prole decessit. Idem nomen fuit filio maiori natu Genorgii Gustavi, lineae Veldentiae, ex Maria Elisabetha Bipontina, qui Dux Suecicae Legionis Equestris, Augustae exstinctus est A. C. 1632. etc.

Ex Fam. Saxonica.

V.

Johannes FRIDERICUS

unus ex filiis Georgii Duc. lineae Cellensis, et Annae Eleonorae, filiae Ludovici Landgravii Hassiaci, nat. A. C. 1625. in divisione, Calenbergium Princ. obtinuit. Religioni Pontificiae accessit, A. C. 1651. Fratre Christiano Ludovico mortuo, Cellensem Principatum praetendit. Hannoveraequeve habitat. Princeps est iudicii cetera insignis ac in legendis libris industrius. In praesentibus motibus, Gallicis et Suecicis partibus favit, atqueve, ut pax maturaret ur, foedete iunctus fuit; a quo abductus, neuter agit, copiis instructus non contemnendis. Uxorem habet, ab A. C. 1668. Benedictam Henricam Philippam filiam Edoardi Com. Palatini Rheni, in Gallia natam ac educatam; pater ex ea filiarum. Ex Fam. Wirtembergica.